BUTUAN CITY – Gi-unfollow sa 1-milyon ka mga instagram users ang account sa K-pop boyband nga NCT. Human kini nakig-collaborate sa Starbucks Korea alang sa summer products ingon man food promotions niini.
Kahibaloan nga gianunsyo sa nahisgutang coffee shop ang pakig collaborate niini sa boyband nga NTC niadtung Mayo 23, diin gikabutyag niini nga lakip ang mga NCT merchandise items ang iahang ipagawas gikan sa Mayo 30 ngadto sa Hulyo 4.
Apan sukad sa nasangpit nga anunsyo, daghang mga netizens na ang mga nagkomento og mga dili maayo alang sa maong banda, diin usa na niini ang mga hugpong sa mga pulong nga “boycott starbucks”.
Alayon niini, nakunhoran ang followers sa nasangpit nga grupo og kinatibuk-ang 1,087,756 sukad niadtung May 29 hangtud June 5, sumala na sa datus nga gipagawas sa Social Blade.
Natala ang pinaka dakong pagkunhod niini niadtung Mayo 30, ang unang adlaw sa Starbucks Korea-NCT promo, diin nakabhakan 480,786 ka mga followers ang nasangpit nga account sa instagram.
Alayon niini, nakuhaan usab og 131,705 followers ang X account sa maong grupo, diin pinaka dakong nakuha niini kay niadtung Mayo 30 usab, nga nakuhaan og 52,475 ka mga followers.
Aang maong pag boycott sa nasangpit nga coffee shop ug sa mga nagalmbigit niini kay tungod sa “boycott starbucks” nga kampanya sa mga netizens tungod matud pa sa pag suporta sa maong kompanya sa Israel, butang nga gipanghimakak usab niini.
