BUTUAN CITY – Blangko pa ang kapulisan sa Nasipit Municipal Police Station bahin sa kung kinsa ang responsable ug mutibo sa pagpatay sa usa ka canine handler sa Nasipit Agusan del Norte kagahapon sa buntag.
Sa pakighinabi sa Bombo Radyo Butuan giila ni handling invesitgator PsSGT Elmer Aranay sa Nasipit Municipal Station ang biktima nga si Rodulfo Tuldo 48-anyos usa ka canine handler sa Petron Depot Nasipit Branch ug residente sa Barangay-1 sakop sa maong lungsod.
Sumala ni PsSGT Aranay gikan ang biktima sa iyang panimalay ug samtang nag-maneho kini sa iyang motor adunay tao nga mipara kaniya sa may District Sampaka Barangay 5 sakop maong lungsod ug dinhi na natigayon ang pagpamusil.
Sigon sa opisyal subay sa testimonya sa mga nakasaksi usa ra ka tao ang mipusil sa biktima dayong lakaw nga daw walay nahitabo ug sa unahan aduna matod pay nakitang motorsiklo nga maoy gisakyan sa suspetsado dayong sibat.
Gidala pa sa pinakaduol nga ospital ang biktima apan gideklara na kining dea-on-arrival sa attending physician.
Nasutang nakaangkon og tulo ka samad-pinusilan ang biktima ug nagpadayon pa usab ang hugot nga imbestigasyon sa kapulisan aron matumbok ang mga responsable sa insidente
PHOTO CTTO: AhDawn Regil
