BUTUAN CITY – Si Justin Bieber ang pinaka-ulahi sa mga international stars nga nag-perform alang sa anak nga lalaki sa pinaka-adunahang tawo sa India ug sa umalabot niining asawa samtang ilang gisa-ulog ang umalabot pa nilang kasal.
Milupad sa maong nasud ang Canadian singer aron pag-perform alang nila Anant Ambani ug Radhika Merchant uban sa ilang mga bisita didto sa Mumbai niadtong weekend.
Nasayrang ang unang pre-wedding party sa duha naglakip kang Rihanna, samtang ang ikaduha mao ang usa ka cruise palibot sa Mediterranean – uban sa performances gikan sa mga teen heartthrobs niadtong 1990s sama sa Backstreet Boys, singer nga si Katy Perry ug ang Italian tenor nga Andrea Bocelli.
Gihulatan karon sa tanan kung kinsa usab ang mga performers sa mismong adlaw sa kasal sa duruha tungod kay wala’y gihatag nga tip ang pamilya sa mga kaslunon.
