BUTUAN CITY – Gigisa sa mga sakop sa Senate Committee on Foreign Relations atol sa ikatulo nilang pagdungog kalabot sa legalidad sa pagpadakop sa administrasyong Marcos kang kanhi Pangulong Rodrigo Duterte, si Justice Secretary Jesus Crispin Remulla.
Sa sinugdanan, pulos uyon ang kalihim dihang gipangutana kung labaw pa ang Konstitusyon sa Pilipinas kumpara sa mga international laws ug mga tratado ilabina ang Article III nga mas nailang Bill of Rights.
Apan nalawgaw kini dihang gipangayuan og pagpasabot ni committee chairman Senadora Imee Marcos kung nganong ubay-ubay sa mga probisyon sa maong artikulo ang wala gisunod sa gobyerno rason nga wala’y due process ang gihimo. Rason ni Remulla nga ang due process, anaa matud pa sa International Criminal Court kon ICC nga maoy nag-isyu og arrest warrant batuk sa kanhi presidente.
Apan ang pamahayag ni Remulla, daling gipalagan ni Senador Ronald ‘Bato’ dela Rosa sa rasong, wala’y hurisdiksyon ang ICC sa Pilipinas tungod sa pagbiya na niini niadtong tuig 2018.
