BUTUAN CITY – Laing disgrasya na usab ang natala sa gitawag nga “killer highway” kansa mao ang Brgy. Sanghan sa dakbayan sa Cabadbaran.
Natigayon ang maong disgrasya bandang ala una ang takna sa hapon karong adlawa, Hunyo 24, diin makita nga maayo ang pagka balintong sa puti nga Fortuner kilid sa maong highway.
Sumala sa mga nakasaksi nga kasamtangan matud pa nga “zero visibility” ang maong dalan atul sa panghitabo hatud sa kusog nga ulan nga nasinatian.
Kahibalong dugay nang nagpahimangno ang mga otoridad sa nasangpit nga syudad gna mag-ignay gayud sa maong dalanon ilabi na og ting-ulan tungod sa kadanlog sa kalsada.
Ubay-ubay nga mga sakyanan na usab ang nadisgrasya sa maong highway, ilabi na kon ting ulan.
Sa kasamtangan, padayon pang gipanubayan ning sibyahan ang kahimtang sa mga sakay sa nasangpit nga sakyanan.
