BUTUAN CITY – Padayon ang gihimong imbestigasyon sa kapulisan sa General Santos City aron ma-ilhan ang mga responsable ug masuta ang motibo sa pagpusil-patay sa anak sa kanhi sikat nga boksingero nga si Rolando Navarrete Sr., 62 anyos nga si Rolando Jr. 23-anyos, residente sa Carcon Village, Brgy Lagao, sakop sa maong siyudad.
Nasayrang dead-on-arrival na ang biktima dihang napalgang nagbuy-od na human gibulabog sa sunod-sunod nga buto sa armas kagabie kondiin dali usab nga misibat padulong sa wala pa matinong direksyon ang nakamotorsiklong mga responsable.
Mahinumdumang ang kanhi world champion gikonsiderang “Bad Boy from Dadiangas” human malambigit sa daghang kagubot ug away sa syudad dihang mahuman ang iyang pagsikat sa boksing.
Base sa boxing record, ang kanhi Filipino boxer adunay katibuk-ang 74 fights kondiin 56 ang iyang daug, 33 knockouts samtang 15 ang pildi.
