BUTUAN CITY – Subling nakasakmit og kada-ugan ang pambato sa Agusan del Sur sa Miss Earth 2020 human kini midaog sa ilang virtual beach wear competition kagahapon.
Ang maayong pagrampa ni June Cyra Pineda nga taga-Talacogon suot ang kolor pink nga beach wear nga gama ni King Aranchado maoy mipatigbabaw kumpara sa ubang mga kandidata hinungdan nga sila ang naka-gold sa maong kompetisyon.
Nagsunod kaniya si Shane Quintana Tormes sa Atimonan, Quezon nga maoy nakakuha sa silver samtang bronze usab ang nakuha ni Roxie Baeyens sa Baguio City.
Mahinumdumang ning mi-aging semana, ang provincial tourism ambassadress sa Agusan del Sur nga si Pineda ang midaog sa Talent competition (dancing category) kondiin gipakita sa mga contestants ang ilang mga skills gikan sa ilang tagsa-tagsa ka panimalay.
Kini ang unang virtual edition sa Miss Earth Philippines, nga nakasugod nang daan sa ilang preliminary competition kondiin sa pinaka-unang higayon ang winner, virtual nga koronahan aron representahan ang Pilipinas sa Miss Earth 2020.
Ang mapiling winner maoy musunod kang Miss Earth Philippines 2019 Janelle Lazo Tee nga nagrepresentar sa Pilipinas sa Miss Earth 2019.
