BUTUAN CITY – Nangayo na og pasaylo ang kanhi TV Personality og host nga si Jude Bacalso, kini human siya nag trending tungod sa alegasyong pagpabarog niini sa waiter sa usa ka restaurant sa Cebu, human siya gitawag og “sir”.
Bag-ohay lang, gikuninitan sa social media ang nasangpit nga personalidad human ning trending ang usa ka post sa social media, kansa nag claim nga duha ka oras matud pa ni Bacalso gipa barog ang waiter sa usa ka restaurant tungod lamang kay “sir” ang gigamit niini pag tawag kaniya.
Si Bacalso, kay membro sa LGBTQ+ Community, ug usa matud pa sa adbokasiya niini ang gender sensitivity.
Sumala ni Bacalso nga wala matud pa niya gipa baog sulod sa duha ka oras ang maong waiter, saysay niini nga mas gipili pa sa nasangpit nga server ang mag tindog sa iyahang atubangan samtang gipasabot usab sa nahiuna ang iyahang adbokasiya.
Sumala ni Bacalso nga nalangan lamang matud pa og barog ang waiter tungod kay ilaha pa mang gihulatan ang management sa restaurant.
“Yes, I was addressed as ‘sir.’ No, I did not scream or shout at the wait staff who did. Did the staff stand there for hours? Yes, we were waiting to resolve it with the owners. Did I demand that he stand there as punishment? No,”
Sa laing post,gikataho usab ni Bacalso nga mamahimo pa untana niyang ma address ang maong insidente “with a little measure of kindness,” apan dugang niini nga wala matud pa kini niya nabuhat, ug iya kining gika subo.
“I made a personal apology to the group present, and requested if I may do so for the concerned waiter,”
Samtang, gipaniguro usab sa management sa restaurant asa nag trabaho ang nasangpit nga waiter nga walay luna sa ilang establishimento ang gender discrimination.
