BUTUAN CITY – Gitambungan sa kapin 20-mil ka mga indibidwal ang gihimong rally sa New Zealand alang sa Gaza kagahapong adlawa. Gitawag sa mga niini ang nasangpit nga protesta isip March for Humanity.
Nagtapok ang mga raliyesta sa Aotea Square, diin nagmartsa gikan sa sa Central Business District kon CBD hangtod sa Victoria Park, diin giwara-wara pa niini ang mga bandila sa Palestine ug naggunit og mga karatula sama sa “Sanction Israel” ug “End the Genocide”. Giorganisa ang maong martsa sa Aotearoa for Palestine ug gitambungan sa mga Palestinian activists, Māori leaders, ingon man sa libuan ka mga supporters.
Lakip sa mga gisyagit sa mga niini ang Sanctions sa Israel, hinanaling ceasefire, ingon man ang pagtapos sa pagpugong sa Israel sa mga hinabang alang sa Gaza.
