BUTUAN CITY – Gidayeg sa mga iyang fans si rock legend Jon Bon Jovi human nakumbinsi ang usa ka babaye nga mu-ambak unta sa suba gikan sa tulay. Nasayrang naghimo og video shoot ang singer sa John Seigenthaler Pedestrian Bridge sa Music City, Nashville dihang namatikdan niini ang usa ka babae nga anaa sa railings sa tulay.
Wala na magduha-duha pa ang singer ug giduol niini ang babae kansa nakumbinsi niyang dili na ihinayon ang pag-ambak gikan sa tulay dayong tawag sa mga otoridad.
Nasayrang gawas sa pagkanta, nagbansay usab si Bon Jovi kung sa unsang paagi makahugoy-hugoy ang ang mga tawong nag-atubang og grabeng depression kondiin apil kini sa gitudlo sa iyang JBJ Soul Foundation. Human mikaylap ang maong video sa online, paspas kining mi-ani og mga pagdayeg gikan sa iyang mga fans ug mga ka-ubanan sa industriya.
