BUTUAN CITY – Midaog si Hollywood actor Johnny Depp sa iyang gipasakang kasong libel batuk sa kanhi niya asawang si Amber Heard may kalabutan sa artikulo kondiin gipadayag ni Heard nga biktima matud pa siya sa pagpangabuso. T
ungod niini, gimando sa jury nga bayran ang aktor og 10-milyunes dolyares isip compensatory damages ug $5m nga punitive damages.
Nasuta sa jury nga ang mga pamahayag ni Heard kalabot sa iyang kaminyuon, pulos sayop ug ang iyang gihimo gi-ubanan matud pa og “actual malice”.
Apan nasuta usab sa mga jurors nga gipaka-ulawan ni Depp si Heard – pinaagi sa iyang attorney rason nga gipabayran kini og $2m.
Dismayado ug nasubo og maayo si Heard sa maong desisyon.
Madumdumang gikasuhan sa 58-ayos nga si Depp ang iyang kanhi asawa og balor $50m tungod sa artikulong gisulat niini kondiin iyang gibutyag nga biktima siya sa domestic abuse samtang ang 36-anyos usab nga si Heard, mibali pagkaso og $100m, tungod sa pagtawag kaniyang bakakon.
