BUTUAN CITY – Gibiyaan na si John Estrada sa iyang asawa nga si beauty queen Priscilla Meirelles ug sa anak nilang si Aneschka, pila ka adlaw human gikagubtan sa mga netizens ang pagbakasyon sa host-actor sa Boracay ka-uban ang batan-ong babayeng foreigner nga iya na usab matud pang bag-ong gikabu-ngan karon nga na-ilang si Lily Hallman.
Ning mi-aging semana lang nag-trending ang hulagway ni John nga gi-post sa iyang asawa kondiin makita nga wala’y laing ka-uban ang actor gawas sa nagkuha kaniya og hulagway samtang anaa sa poolside sa hotel nga iyang gisak-an.
Usa sa mga followers ni Priscilla ang nangutana kang John kung ang iyang pamilya ba sa sikat nga TV series ang iyang ka-uban kansa daling gitubag sa beauty queen nga si Lily Hallman.
Mas nakurat ang mga netizens dihang nag-comment pa si Priscila og ‘looking very divorced Mr Estrada @Lily Hallman.
Pag-abot sa Brazil, nag-live gilayon si Priscila ug Aneschka nga nagpahibalong naka-abot na sila sa iyang nasud aron maka-uban ang iyang pamilya.
Apan giklaro ni Priscilla nga nagbakasyon lang sila sa iyang anak ug mu-uli ra siya sa Pilipinas higayong iya nang miplastar ang himuon niyang mga lakang alang sa kaugmaon nila sa iyang anak.
Dihang usa sa iyang mga followers ang nangutana kaniya kung tinuod ang tsika nga duna na usa’y gikabu-angan si John taliwa sa iyang ka-anyag, gilkataw-an lang kini ni Priscilla dayong butyag nga ingon ana gayod ang kinabuhi.
Giklaro niya nga unta duna’y respeto ang matag-usa ngadto sa isig katawo.
