BUTUAN CITY – Tumang kasilag ang gibati ni Ginang Shirley Cacalda ngadto sa PBA basketball player nga si John Amores, kini human nga gipusil sa maong mandudula ang anak sa nasangpit nga babaye tungod lamang sa away sa dula nga basketball.
Saysay sa inahan samtang nag minatay kini og hilak sa Lumban Police Station nga dili niya i-atras ang kaso sa magsuong Amores kansa maoy namusil sa iyahang anak. Subay sa inahan nga lima ka adlaw pa lamang ang iyahang anak dinhia sa Pilipinas gikan sa barko, rason nga tumang kasakit ang iyahang gibati dihang nabalitaan niining gipusil ra matud pa kini tungod lang sa basketball.
Dugang sa inahan nga dili niya pasayluon ang magsuon, ilabi na nga 20 ka tuig na siyang balo ug siya lamang ang nagpadako sa mga pinalangga niining mga anak.
Sa kasamtangan, mag-atubang sa kasong attempted murder ang magsuong Amores, human nga wala ra nagio ang biktima. Si Amores nagdula na kaniadto sa Jose Rizal University kinsa gipahamtangan og ban sa NCAA human gisumbag ang upat ka mga magdudula sa De La Salle-College of St. Benilde niadtong 2022.
Bisan pa man sa maong insidente, gikuha gihapon siya sa NorthPort Batang Pier sa fifth round sa 2023 PBA Rookie Draft.
