BUTUAN CITY – Expected na ang desisyon sa Anti-Money Laundering Council kon AMLC sa pag-freeze sa duha ka Philippine Business Bank (PBB) accounts nga jointly gipanag-iyahan nila Surigao del Sur 1st District Congressman Romeo Salazar Momo Sr. ug Congressman Tirso Edwin Gardiola tungod sa alegasyon nga konektado kini sa mga dili klaro nga pondo ug korapsyon sa flood control projects.
Sumala ni petitioner Atty. Mary Helen Zafra, dili na ikakurat ang maong desisyon ilabina nga ang AMLC, nakakita nga kini nga accounts kabahin sa 1,193 ka mga bank accounts nga konektado sa contractor firms ni Gardiola nga mao ang Newington Builders Inc., Lourel Development Corp., ug S-Ang Construction and General Trading Inc. nga gi-imbestigahan tungod sa alegasyon sa korapsyon ug money laundering.
Ang duha ka kongresista gi-lista isip joint account holders, ug gi-apil sa freeze order tungod sa suspetsa nga gigamit kini sa paglihok sa mga pondo nga dili klaro ang gigikanan.
Gihuwat na lang niya ang pag-freeze sa bank account ni Momo ug sa ilang pamilya ingon man sa ilang korporasyon diin base sa ilang pag-imbistiga, nahibaloan nga mi-abot na sa tulo.
Dugang pa ni Atty. Zafra, questionable kung ang usa ka politician mag-joint account sa usa pa ka politician, sukwahi sa usa ka business partners nga legally pwede mag-joint venture.
Ang maong pasangil dili na ma-deny tungod kay mingkuyanap na kini sa social media, aduna nay mag screenshots ug na report nga ang official statement gikan sa maong magbabalaod kondiin ang gika-ingong joint bank account, gi-open alang sa 2019 elections, kondiin si Cong. Momo Sr. ang no.1 Construction Workers Solidarity Party-List Nominee nga gisundan ni Cong. Gardiola isip 2nd Nominee ug ang 3rd person nga kauban gihapon nila isip 3rd Nominee.
Gani aduna na usab matud pay dokumento si Atty. Zafra gikan sa Commission on Election nga nagbutyag nga wala gideklara ubos sa balaod nga ang 3 ka individual adunay joint account kansa gi-tuyo alang sa 2019 Elections.
