BUTUAN CITY – Andam magdeklara og red alert ang Bureau of Jail Management and Penology (BJMP) higayong maaresto na ang gaming tycoon nga si Charlie ‘Atong’ Ang.
Sigon ni BJMP spokesman Superintendent Jayrex Bustinera, Standard Operating Procedure o SOP kini ilabina og high-profile ang kaso. Samtang, andam na usab ang Santa Cruz District Jail human ang gi-isyung arrest warrant sa Santa Cruz, Laguna Regional Trial Court Branch 26.
Dugang ni Bustinera, 699-porsyentong congested ang bilangguan ug wala na’y bakanteng selda rason nga isagol si Ang sa uban pang mga piniriso sa maong pasilidad dungan sa pagsigurong wala’y ihatag nga special treatment kaniya.
Gawas sa Santa Cruz District Jail, gibutyag ni Bustinera nga gi-andam na usab nila ang San Pablo City Jail ug ang Lipa City Jail kondiin duna’y nag-ong-ong nga kaso ang gaming tycoon.
Nasayran nga padayon pang gipangita si Ang sa mga otoridad kinsa duna na’y ₱10M nga patong sa ulo human gitudlong mastermind sa mga missing sabungeros.
