BUTUAN CITY – Gisiguro sa Department of Social Welfare and Development kon DSWD nga duna pa silay igong pondo ug mga relief goods aron matabangan ang mga apektado sa bagyo ug ang mga umaabot pa nga kalamidad sa dili pa matapos ning tuiga.
Sumala ni Irense Dumlao, tigpamaba sa maong ahensya nga kapin sa ₱3 bilyons pa ang kasamtangan nga resources sa ahensya—lakip niini ang P385 milyon nga standby funds ug ₱2.5 milyon nga family food packs.
Kahibaloang nagdeklara n og full alert status ang nasangpit nga ahensya tungod sa bagyong Nando, Opong, ug habagat nga ming kusokuso sa Pilipinas ning semanaha, diin 2.5 milyon ka family food packs (FFPs) ang gi-preposition sa kapin 1,000 ka bodega sa tibuok nasud. Nagpadala usab kini og dugang relief goods sa mga rehiyon nga grabeng naapektuhan sa nasangpit nga mga daut sa panahon sama sa Region 2, CALABARZON, ug Eastern Visayas
Sayrang kasamtangan nga nag-atubang ang Department of Social Welfare and Development (DSWD) og dakong hagit sa pondo niini alang sa tuig 2026, kansa nakapabalaka sa mga nagkadiyang sektor sa nasod.
Gibanabana nga ₱50 bilyon ang gikunhod sa budget sa mga nag-unang programa niini, diin ang budget sa Assistance to Individuals in Crisis Situations (AICS) mokunhod gikan sa ₱44.4B sa 2025 ngadto sa ₱27B sa 2026, nga magpamenos sa benepisyaryo gikan sa 6.6 milyon ngadto sa 2.9 milyon.
Tungod niini, gibana-banang posibleng mawad-an ang 7 milyon ka Pilipino og access sa emergency aid ug social protection.
