BUTUAN CITY – Gisungog sa mga fans si Jillian Ward isip sunod nga Jinkee” sa dihang nasigpatan ang batan-ong actress nga lakip sa mitan-aw sa away ni Eman Bacosa Pacquiao sa Bohol.
Ang mga hulagway og videos ni Jillian nga lakip sa audience sa Kumong Bol-anon 24 sa Tagbilaran misikat online nga naglingkod kini tapad sa inahan ni Eman sa kilid sa ring.
Si Eman, ang anak ni boxing legend Manny Pacquiao, miaway batuk sa Indonesian boxer nga si Reynold Kundimang sa upat ka rounds diin iya kining napahagba og nakuha ang kadaugan.
Ang batang Pacquiao miangkon sa nakalabay nga tuig nga duna kini crush kang Jillian.
Nag-upload usab si Jillian og bag-ong clip nga miapil sa Big Guy trend bag-ohay palang diin ning higayona gipakita ang misteryosong lalaki nga nasutang si Eman.
Sila Eman og Jillian nahimong online sensation diin gikumpara sa mga fans ang duruha nga batan-ong Manny og Jinkee Pacquiao.
