BUTUAN CITY– Gitapos sa Pinoy Boxer nga si Melvin Jerusalem ang world title drought sa Pilipinas human niini gipalukapa ang boxer nga Hapon nga si Yudai Shigeoka karong adlawa, Marso 31, mismo sa home court sa iyahang kalaban sa International Conference Hall in Nagoya, Japan.
Napatumba sa Pinoy makaduha ang kalaban niining si Shigeoka, rason nga naka eskapo kini alang sa split decision victory kansa maoy nag tukmod niini nga mamahimong World Boxing Council minimumweight champion. Gamit ang mga bug-at niining counter right, napaluhod ni Jerusalem si Yudai sa ikaduha ug ika unom nga rounds, rason nga ning pabor kaniya ang duha sa tulo ka mga judges sa maong dula.
Parehong ninghatag og iskor nga 114-112 ang duha sa tulo ka mga judges, pabor sa Pinoy, alang sa 12-rounder nga dula. Samtang, natabunan usab sa duha ang iskor sa usa ka judge nga ning hatag lamang og 113-114 nga iskor, pabor sa Hapon.
Ang maong kadaugan, maoy ning putol sa malas sa Pilipinas sa dula nga boxing human nga giparot s amga kalabang Hapon sila si Marlon Tapales niadtung Desyembre, ingon man Jerwin Ancajas ug Jonas Sultan niadtung Pebrero.
Alayon niini, ningsaka na ang record ni Jerusalem sa 22-3 nga dunay 12 ka mga knockouts, samtang natilawan usab ni Shigeoka ang kapildihan, rason nga nahagbong na lamang kini sa record nga 8-1 gu dunay 5 ka mga knockouts.
