BUTUAN CITY – Wala na mapugngi pa ni Jericho Rosales ang iyang kaugalingon ug gi-angkon na nini atubangan sa mga tawong mitambong sa haya ni Asia’s Queen of Songs Pilita Corrales nga mag-uyab na sila sa apo niining si Janine Gutierrez.
Sigon sa aktor, dakong dungog alang kaniya nga nahimong kabahin sa dakong pamilyang Gutierrez ug anaa siya kanunay sa kiliran sa iyang hinigugma.
Mixed emotions usab ang mga tawo sa expose sa aktor apan wala malikayi ang ilang paghugyaw dihang nadunggan gikan mismo sa ba-ba sa aktor ang kumpirmasyon.
Gisaysay pa niini nga kung muadto si Janine sa ilang balay, maghinilakay sila uban sa iyang inahan tungod kay kantahon man sa iyang inahan ang mga kanta sa iyang apuhan nga maoy makapahupay gikan sa sakit niining Alzheimer’s disease.
