BUTUAN CITY – Tutukan gilayon sa pamilya Cagulangan ang tinuig na nga JD’s Cup, usa ka basketball tournament alang sa kabataan nga gustong maba-id ang abilidad sa basketball.
Sigon ni Joel Cagulangan, atua pa sila sa kauluhan tungod sa pag-uban ug pagsuporta niya sa iyang anak nga si JD kinsa maoy napiling Most Valuable Player kon MVP human mikampayon ang koponan niining University of the Philippines Fighting Maroons batuk sa De La Salle University Green Archers sa UAAP Season 87 men’s basketball finals.
Sa eksklusibong pakighinabi sa Bombo Radyo Butuan, gibutyag ni Cagulangan nga season 4 na unya ang JD Cup karong tuiga. Tumong niini nga ang mga batang gikan sa kabus nga pamilya ug dili taas sama sa iyang anak nga si JD, mahatagan og kahigayunan nga ma-train sila dili lang ang ilang abilidad kondili madisiplina usab sila.
