BUTUAN CITY – Gideklarang Drug-Free Municipality ang Jabonga sakop sa probinsiya sa Agusan del Norte pinaagi sa Barangay Drug Clearing Program – Regional Oversight Committee sa seremonya nga gipahigayon sa nakalabay nga adlaw.
Nasayrang ang 13 ka barangays sa lungsod sa Jabonga ang nadeklarang Drug-Free niadtong Abril 29, 2019 pinaagi sa ROC Resolution No. 04-24 Series of 2019.
Ang duha ka Barangays nga San Jose ug San Pablo gi-validate isip drug-cleared, sa tuig 2016 ug 2018, hinungdang sa katibuk-an, miabot sa 15 ka barangays ang opisyal karun nga gideklarang gawasnon sa illegal nga drugas.
Gihatag sa Philippine Drug Enforcement Agency kon PDEA-Caraga ang Certificates of Drug-Cleared Barangays ngadto sa kapitan isip Barangay Anti-Drug Abuse Council kon BADAC Chairpersons.
Samtang ang Certificate of Drug-Free Municipality gihatag usab ngadto kang Mayor Jasmin F. Monton isip Chairperson sa Municipal Anti-Drug Abuse Council.
Ang Jabonga mao na ang ikatulong lungsod nga nadeklarang drug-free municipality sa Probinsiya sa Agusan del Norte.
Alayon niini, nagpasalamat si Mayor Monton sa BADACs ug MADAC sa ilang commitment sa hugot nga kampanya kontra sa illegal drugs.
