BUTUAN CITY – Naka-uli na sa iyang panimalay si British singer Jessie J samtang nagpa-abot sa resulta human na-operahan tungod sa breast cancer.
Gipahibalo sa “Price Tag” singer ang iyang kahimtang sa panglawas karong adlawa lang diha sa iyang Instagram account.
Apil sa iyang gi-post ang iyang pahimangnokalabot sa hulagway nga duna pa’y dugo nga dala sa operasyon ingon man ang mga ups and downs sa milabay nga 48-oras.
Nag-post si Jessie ug mga litrato ug video clips nga nagpakita sa pipila ka mga detalye sa mga procedures nga iyang gi-agian isip preventive measure batuk sa early state sa breast cancer.
Gipadayag niining kinahanglang masayran sa tanan ang kalisod sa iyang panaw dayong pasalamat sa tanang misuporta kaniya.
Gi-awhag usab ni Jessie ang mga tawo nga ipadayon ang pakigbisog sa bisan unsang mga hagit nga ilang gi-atubang, isip panapos sa iyang post.
