BUTUAN CITY – Ningkanaog sa iyahang pwesto si Japanese Prime Minister Shigeru Ishiba karong adlawa, wala ra mag usa ka tuig gikan kini ninglingkod sa iyahang pwesto isip Primiro Ministro sa maong nasod niadtung Octubre 2024.
Sumala sa opiyal nga mikanaog arun malikayan ang pagkabahin sa ruling Liberal Democratic Party sa Japan. Kahibaloang nag-anam og ka upos ang nasangpit nga partido isip majority party sa parliamento sa Japan.
Una nang dunay bangi tali sa kaugalingong partido niini tiungod sa mga panawagan sa iyahang pagkanaog, ilabi na gikan sa right-wing faction sa nasnagpit nga partido human sa dili maayong resulta sa election ug dissatisfaction sa mga Hapon mahitungod sa mahal nga living cost sa nasangpit nga nasod.
Una nang nahimong Defense ug Agriculture minister sa Japan si Shigeru. Lakip sa pilianan arun ihulip kang Ishiba sila Sanae Takaichi, Shinjiro Koizumi, ug Yoshimasa Hayashi.
