Patay ang upat ka mga indibidwal human gipaulanan sa Russia og bala ang capitan sa Ukraine nga Kyiv bandang alas 11 ang takna sa buntag, oras sa Pilipinas, ning adlawa Septembre 28.
Sumala ni Ukrainian President Volodymyr Zelensky, mokabat sa 500 ka mga drones ang gipaulan sa Russia sa ilahang lugar, samtang gipulpog usab ang ilahang kaulohan og 40 ka mga missiles.
“Moscow wants to continue fighting and killing and deserves only the harshest pressure from the world,” sigon ni Zelensky sa pamahayag niini sa Telegram.
Ang maong sunod-sunod nga pagpabuto gisundan usab sa pamahayag ni Zelenskyy nga nakadawat ang Kyiv og US-made Patriot air defence system gikan sa Israel aron gamiton batok sa mga pag-atake sa Russia.
Ang mga pag-atake nahitabo human sa pasidaan sa Russia batok sa NATO nga mihimo og istriktong aksyon isip tubag sa pagsulod sa Russia sa mga airspaces nga sakop sa mga kaalyadong nasod.
Sumala ni Timur Tkachenko, ang pangulo sa militar sa Kyivlakip sa nalata ang usa ka 12-anyos nga batang babaye.
Gilaumang mosaka pa ang ihap sa mga nangamatay samtang kamulo pa sa ilahang trabaho ang mga rescuers.
