BUTUAN CITY – Nagpatuman na ang Department of Agriculture (DA) ug mga lakang arun malikayan ang posibilidad nga magkulang ug mo mahal ang presyo sa itlog sa Pilipinas.
Kini human nga sa pagkalugi sa nasangpit nga industriya ning nakalabayng tuig, subay niini, gipaningkamotan sa buhatan nga malikayan ang krisis sa itlog, ilabi na sa nasinatian usab nga bird flu sa Estados Unidos.
Sumala ni Agriculture Secretary Francisco P. Tiu Laurel Jr., tumong sa mga lakang nga ilahang gihimo ang matubag ang panginahanglanon sa itlog sa nasod.
Bisan kon wala pay lapad nga outbreak sa bird flu sa Pilipinas, nagpahimangno gihapon si Tiu Laurel nga posibleng magkulang ang supply sa itlogpag-abot sa bulan sa Abril.
Arun malikayan, gipapaspasan na sa DA ang importasyon sa mga inayang manok ug gihangyo na ang pag-papaspas sa pag-apruba sa mga bakuna laban sa avian influenza.
Gusto usab sa ahensya nga makuha ang P300 milyon gikan sa National Livestock Program alang sa mga bakuna ug posibleng mass inoculation.
Sa kasamtangan, nakatutok na ang DA sa paspas nga solusyon para masiguro ang suplay sa itlog ug maprotektahan ang publiko gikan sa pagsaka sa presyo niini.
