BUTUAN CITY – Sabutan pa atol sa tigom sa mga council of elders sa kaparian sa tibuok Pilipinas ilabina sa Butuan Diocese ang itinerary sa patay’ng lawas Bishop Juan de Dios-Pueblos alang sa pagdala niini dinhi sa dakbayan sa Butuan.
Nasayrang karong adlawa magsugod ang tinuig nga retreat sa Bohol nga salmutan sa kaparian gikan sa nagkada-iyang bahin sa nasud.
Sa eksklusibong pakighinabi sa Bombo Radyo Butuan, gibutyag ni Fr. Carlito Clase – executive director sa Caraga Conference for Peace and Development nga usa sa ilang sabutan ang posibleng pag-agi sa patay’ng lawas sa obispo didto Tagbiliran City sa Bohol aron mapaduol sa iyang natawhang lugar sa Loon, adiser kini dalhon dinhi sa dakbayan sa Butuan.
Padayon usab matud pa ang pagdagsa sa mga tawo sa iyang haya sa Loyola Memorial Funeral Homes sa Guadalupe, Makati apil na niini ang mga national figures.
Bukas alang sa publiko ang haya sa obispo ilabina niadtong anaa sa nagkada-iyang sektor nga personal nga nakahimamat kaniya apil na sa mga ka-igsuunang Muslim.
Mi-apela ang pari nga kanunay’ng i-apil sa mga pag-ampo ang obispo og du-awon ang haya niini higayong mahidangat na dinhi sa dakbayan sa Butuan.
Nasayrang ang Caraga Conference for Peace and Development, usa ka multi-sectoral group nga gimugna ni Bishop Pueblos aron ang halos tanang sektor sa rehiyon apil na ang mga Muslim, magkahi-usa pinaagi usab sa Butuan Diocese. (Beth Ruiz)
