Isyung BF niya si Mayor Dong Calugay, gipanghimakak ni Alice Guo

BUTUAN CITY – Bisan og gibali-bali na pagpangutana ni Senador Jinggoy Estrada si dismissed Bamban, Tarlac Mayor Alice Guo sa isyung uyab sila ni Sual, Pangasinan Mayor  Isidro  ‘Dong’ Calugay, wala’y nagpu-po nga kumpirmasyon niini  ang senador atol sa senate hearing kaganina.

Kini bisan og gipakita na sa senador ang mga hulagway nga posibleng magpa-angkon sa kanhi mayor sa gustong niyang masayran kalabot sa tinuod nga estado sa ilang relasyon.

Consistent ang dismissed mayor pagtubag sa iyang mga pangutana nga iya lang higala ang mayor dayong klaro nga wala’y bisan  gamay nga natabang si Calugay sa iyang pagsibat sa nasud ug labaw nga wala matud pa niya kini  pahibal-a sa iyang plano alang sa iya ra usab nga siguridad.