BUTUAN CITY – Andam manubag ang opisyales sa Barangay Rosario, Las Nieves, Agusan del Norte sa mga isyu nga gibuno ngadto kanila mahitungod sa wala nagkadimao nga pagdistribute sa mga livelihood assistance pinaagi sa Kabuhayan Starter Kits alang sa 15 ka mga ginikanan sa mga child laborers sa nahisgutang Barangay.
Saysay ni Kapitan Nestor T. Monicar Sr., nga ningtumaw matud pa nga dunay lima ka mga binipisyaryo sa kansa kulang ang nadawat nga mga items, diin kinahanglang mo balor untana sa 29-mil Pesos. Ang maong pangkabuhayan items, gihatag sa Department of Labor and Employment’s Integrated Livelihood Program ngadto sa 15 ka mga benipisyaryo niadtung Pebrero 2, ning kasamtangang tuig 2024.
Sigon sa Barangay Treasurer sa maong lugar nga si Daylinda P. Boquil nga nagkaguliyang matud pa ang mga benipisyaryo atul sa pagpanghatag sa mga items, rason nga dunay uban nga naka dawat og subra, ug duna usay naka dawat og kulang.
Sa kasamtangan, wala pa gihapon makompleto ang mga items nga kulang sa 5 ka mga binipesyaryo, apan duna nay gihimo nga imbistigasyon ug lakang ang maong Barangay arun mapatas na ang nasangpit nga mga items nga gipanghatag.
Base sa pasiunang pakighinabi ni Kapitan Monicar sa mga reklamante, willing matud pa ang uban kanila nga kwarta nalang ang madawat isip hulip sa mga items nga wala nila makuha. Apan sigon sa Kapitan, dunay mga nakakuha og subra nga maglisod na og uli sa ilahang mga nakuhang items, ug ang uban, dili willing ibalik nakuha niining subra.
Kahibaloang ning dangop ang maong mga opisyales sa Bombo Radyo Butuan tungod kay nakurat na lamang sila, nga ning-abot na ang maong isyu sa Sangguniang Bayan, ug duna na usay kagawad nga ning hatag og kwarta sa mga reklamante arun pamilite niini padulong matud pa nganhi ning sibyahan para isumbong ang maong hisgutanan. Duna usay ubang nagsugyot nga isumbong na kini sa Department of Labor and Employment (DOLE). Duna usab matud pa silay na dungog nga nanumangil kanila nga gikuhaan ang maong livelihood assistance kits.
Sumala sa Barangay Treasurer nga andam siyang mo atubang sa bisan asa mang buhatan tungod kay kompleto matud pa ang iyahang mga papeles sa maong distribyuson. Sigon niini nga naka pasa na matud pa siya ug kopya sa mga papel sa Accounting ignon man sa Commission on Audit (COA).
Hangyo sa maong trsyurera nga dili untana dayon mohukom ang mga katawhan mahiytungod sa maong isyu, tungod kay andam man usab sila nga motubag ug magpakita sa mga dokumento alang sa mga pangutana ug pagklaro.
