BUTUAN CITY- Nagpadayon ang tensiyon sa Gaza ug Israel human sa sunod-sunod nga opensiba sa Israel nga naglakip sa air strikes ug artillery shelling sa silangan sa Khan Younis.
Niadtong adlaw nga Martes, ang ikapito nga grupo sa mga pasyente ug mga nasamdan nga nakabalik sa Gaza pinaagi sa Rafah crossing. Samtang nagpadayon ang mga raid sa Hebron sa West Bank, daghang Palestino ang nasuffocate tungod sa tear gas nga gipabuto sa Israeli forces. Sa laing bahin, gikatakdang magkita si Prime Minister Benjamin Netanyahu ug si US President Donald Trump sa White House, karung adlawa.
Base sa datos, ang giyera sa Israel batok sa Gaza sukad Oktubre 2023 nakapatay na og labing menos 72,045 ka tawo ug nakasamad sa 171,686, samtang gibanabana nga 1,139 ka tawo ang napatay sa Israel sa pagpangatake niadtong Oktubre 7, 2023 ug 250 ang gihimo nga bihag.
