BUTUAN CITY – Daw mibalik na panahon sa Coronavirus disease 2019 kon COVID-19 ang sitwasyon karon sa Israel tungod sa pila ka adlaw na nga pagpamomba sa Iran ngadto kanila.
Sigon ni Bombo international correspondent Jessie Barriga, mga essential workers lang ang gitugutan sa Israeli government nga mugawas aron masiguro ang kaluwasan sa tanan.
Gidugang pa ni Barriga nga wala na’y mga paka-paka sa missiles sukwahi sa mi-aging mga adlaw nga mangalisang sila sa pagtago.
Gitu-uhan niining na-busy ang Iran pagplano sa pag-atake sa mga military bases sa Estados Unidos sa ubang mga nasud.
Kung wala matud pa’y ipalupad nga missiles ang Iran padulong sa Israel, normal ang ilang kinabuhi tungod kay dili man sila magkababad pagtago aron lang masigurong luwas ang ilang kinabuhi.
Daghan matud pa nga mga Israelis ang nawad-an og pinuy-anan tungod sa mga missiles nga wala ma-intercept sa Iron Dome rason nga gipapuyo una sa gobyerno ngadto sa hotel ug uban pang mga kapuy-an.
Sa pagkakaron, wala matud pa’y angayang kabalak-an sa ilang kahimtang basta dili lang ma-igo sa missile ang ilang nahimutangan tungod kay dili matud pa masulti nga luwas sila higayong mapuruhan ang ilang pinuy-anan.
