BUTUAN CITY – Isog nga mga pulong ang giluwat ni Presidente Ferdinand Bongbong Marcos JR. sa defense summit sa Singapore.
Gihatagag gibug-aton sa Presidente ang katungod sa Pilipinas sa ginailugang teritoryo sa West Philippine Sea. Sa keynote Speech sa Presidente sa Shangri La Dialogue sa International Institute of Strategic Studies kon Double “I”, Double “S” kagabie, unang gikabutyag sa Presidente nga sa panahon pa lamang sa mga kastila, klaro nang gi yagyag kung asa taman ang teritoryo sa Pilipinas, gipalig-on pa kini sa Treaty of Paris, Washington ingon man sa United Nation Convention on the Law of the Sea kon UNCLOS. Sumala ni pa ni Presidente Marcos nga naka base ang territorial claim sa Pilipinas sa international law, ug dili kay sa emahinasyon lamang.
Apan ang pamahayag ni Presidente Marcos, wala lang naka pokus sa territorial claim sa Pilipinas sa West Philippine Sea, kundili, lakip sa gihatagan niini og pagtagad mao ang tensyon sa United States of America ingon man sa China nga naka apekto na sa pagdesisyon sa mga kanasuran ingon man sa kinatibuk-ang seguridad. Dugang niini nga mamahimo matud pang makaapekto sa pangkalibutanong ekonomiya ang problema sa West Philippine Sea tungod kay agihanan man kini sa mga pamatigayon sa mga kanasuran.
Dugang niini nga isipon na sa Pilipinas nga “act of war” ang ginahimo sa China nga pagpamomba sa mga barko sa Pilipinas ugaling duna nay mamatay nga Pilipino tungod niini, mapasibliyan man o militar, ug sa maong higayon, mangayo na gayud ug tabang ang Pilipinas sa mga kaalyadong nasod niini sama sa America.
