BUTUAN CITY – Nagmalampuson ang Butuan City Police Office sa pagpatuman sa search warrant ngadto sa usa ka Newly Identified Street Level Individual kon ISL pinaagi sa hiniusang operasyon sa CDEU, BCPO uban sa BCPS1 ug Philippine Drug Enforcement Agency-Agusan del Norte Police Office, alang sa Viol. of Sec. 11 & 12 sa Artikulo II R.A. 9165 nga giisyu ni Presiding Judge Hon. Emmanuel E. Escatron, nga miresulta sa pagkasikop ni Roselyn Ribo Boholano a.k.a May-may, 38 anyos, babaye, biyuda, walay trabaho ug residente sa 9th St. P-6A, Guingona Subd., Brgy. J. P. Rizal, Butuan City.
Ang nasangpit nga pagkasikop nahitabo sa mismong pinuy-anan sa suspetsyado kagahapon sa buntag diin malampuson nga nas serve ang search warrant human sa mga kapin-bulan nga surveillance ug imbestigasyon nga gihimo sa Police Force subay sa balaod. Nakuha usab gikan sa suspek ang ebidensya nga usa (1) ka sachet sa gituhoang shabu, nagkadaiyang drug paraphernalia sama sa; tulo (3) ka piraso nga disposable lighter nga walay flame guard, duha (2) ka piraso sa Improvised aluminum needle fuel, usa (1) roll aluminum fuel, usa (1) ka piraso nga improvised Bamboo Seller, pipila ka walay sulod nga transparent plastic cellophane sachet, usa (1) kabook nga needle crusher ug usa (1) ka pirasong ballpen tube. Diin ang mga nakumpiska nga illegal nga drugas adunay gibana-bana nga timbang nga usa ka gramo nga adunay Standard price nga Php 6,800.00.
Gihimo sa hapsay nga paagi uban sa presensya sa mandatory witnesses sa persona ni Mr. Rhyan B Samson, DOJ Rep & Hon. Keifer L. Moran, Brgy. Si Deputy Brgy. sa Brgy. J. P. Rizal Butuan City ang maong pagpahigayon sa search & seizure operation . Una usab nga gipahibalo ang dinakpan nga suspek sa iyang Constitutional Rights ubos sa Miranda Doctrine ug Anti-Torture warning. Sa kasamtangan anaa na sa kustodiya sa CIU-CDEU, BCPO ang mga nakumpiska nga drugas ug non-drug items alang sa tukmang disposasyon. Samtang temporaryo usab nga gitanggong sa BCPS1 custodial facility ang subject.
