BUTUAN CITY – Nakabalik na sa Israel ang 20 ka mga buhi nga hostages nga gikuptan sa Hamas sa Gaza human ang duha ka tuig nga pagkabihag, base na sa pagkumpirma sa Israeli military.
Ang maong mga hostages, gidagit sa Hamas atol sa ilang pag-atake sa Israel niadtong Oktubre 7, 2023 kondiin apil sa nabihag ang kaluha nga sil Ziv ug Gali Berman ug si Omri Miran kinsa nakuhaan og hulagway nga naka-uban na ang asawayng si Lishay.
Ang nahabiling 28 ka mga patay nang hostages, gikatakda pang i-turn over.
Bugti sa maong mga hostages, gibuhian usab sa Israel ang 250 ka mga pinirisong Palestino ug kapin sa 1,700 detainees kondiin ang unang grupo, nagsugod na pagpangabot sa Ramallah sa gi-ukupahang West Bank ug sa Gaza.
Naka-abot na usab sa Israel si United States President Donald Trump aron mamulong sa parliamento adiser mu-adto sa Egypt alang sa peace summit uban sa mga world leaders.
Una nang gipadayag ni Trump kaganina nga natapos na ang giyera sa Gaza tungod sa maolng kalambuan.
