BUTUAN CITY – Gipasanginlang ni Ka Jefrey Celiz, secretary sa Sambayanan nga “Comelected” ang proklamasyon kang Benny Abante isip representante sa 6th district sa Manila kagahapong adlawa.
Sumala ni Celiz, duha lamang ang status ugaling makadaug sa eleksyon, kini mao ang Comelected o kaha elected. Elected kung ang gibotaran sa katawhan nga kandidato ang giproklamar samtang ‘comelected’ usab ang tawag matud pa kada-ugan nga ang Comelec ang nagbutang niini sa pwesto.
Gipadayag kini ni Celiz human gipawala’y bili sa 2nd Division sa Commission on Elections kon COMELEC ang proklamasyon ni Luis “Joey” Chua Uy isip representante sa 6th District sa Manila kagahapong adlawa, dayong deklara kang Bienvenido “Benny” Abante nga maoy tinuod nga nakadaog niadtung May 12 local and national elections.
Gipagawas sa dibisyon ang desisyon human gideklara nga void ab initio ang certificate of candidacy (COC) ni Uy ug wala na siya gi-ila nga kandidato tungod kay dili matud pa kini usa ka natural-born nga Filipino, kansa sukwahi sa iyang gisulat sa iyang COC.
Subay pa ni Celez, delikado ang gihimo sa poll body tungod kay nahimo naman kini sa maong ahensya karon, mahimo na usab kini nilang sublion sa sunod nga eleksyon.
Depensa pa ni Celiz, mabaw ra ang rason sa COMELEC sa pag-disqualify kang Uy, tungod kay sumala niini, 1967 pa dihang dinhi na gipanganak ang maong politiko sa Pilipinas, ug nahimo pa kining konsehal sa Manila sulod sa pila ka higayon.
Dugang pa ni Celiz, dili ang Comelec ang mo desisyon sa validity ni Uy, kundili ang Korte mismo.
Ang pamahayag ni effrey Celiz, secretary sa Sambayanan.
Gitawag usab ni Celiz nga indirect dictatorship ang nasangpit nga panghitabo tungod kay gihimo matud pang himan sa COMELEC ang eleksyon arun ipamugos ang ilang kagustuhan gikan sa pagmani-obra sa resulta hangtud na sa binayranay.
