BUTUAN CITY – Padayon ang gihimong pagpanubay sa kapulisan sa Lianga, Surigao del Sur human nabuthan og landmine ang mga sakop sa 75th Infantry Battalion nga miresulta sa pagkamatay sa usa ka sundalo og duha ka mga membro sa Civilian Active Auxiliary kon CAA.
Naila ang usa sa mga CAA members nga namatay nga si Omar Tejero samtang gitago pa ang identity sa nahabiling duha tungod kay una pang pasayron ang ilang mga pamilya.
Sigon ni chieftain Marcos Jomar Bocales, natigayon ang insidente sa Purok 5, Brgy. San Isidro pasado alas-kwatro sa hapon dihang naglusad og foot patrol ang tropa sa kagamhanan.
Paghidangat nila sa maong lugar, kalit nga mibusikad ang natumban nilang landmine hinungdan sa natalang casualty.
Gidugang ni Bacales nga grupo matud pa nila Ka Dindo sa nasangpit nga lugar ang responsable sa maong panghitabo. (Beth Ruiz)
