BUTUAN CITY – Nagpahimangno si United States President Donald Trump nga putlon sa Amerika ang paghatag og suporta sa Iraq kung makadaog pag-usab isip lider ang kanhi Prime Minister nga si Nouri al-Maliki.
Nasayrang magpili unta ang Iraqi parliament sa ilang pangulo kagahapon apan na-usab ang kini tungod kay wala magka-angay ang mga miyembro sa pagpili sa modagan nga presidential candidate.
Si Maliki, nga adunay koneksiyon sa Iran, gipili sa alyansa sa mga Shia-led nga partido isip nominee alang sa pagka-primero ministro.
Nagpahimangno si Trump nga sayop nga desisyon ang pagpili kang Maliki, tungod kay sa iyang mi-aging pagpangulo, nalumos sa kakabos ug misamot kagubot ang kahimtangan sa Iraq.
Mahinumduman nga si Maliki nagserbisyo isip Prime Minister sa Iraq gikan 2006 hangtod 2014, usa ka yugto nga gimarkahan sa sectarian violence, ug mibiya siya sa pwesto human masakop sa Islamic State ang dakong bahin sa nasod.
