BUTUAN CITY – Nakurat na lang si Sergeant Rusty Martin sa pinasahing kliyenteng miduol sa ilang glass window front desk sa Odessa Police Station sa Texas.
Kini tungod kay inay tawo ang gila-uman niyang muduol sa ilang buhatan, usa naman hinuon ka mix husky og German Shepherd nga iro nga ginganlan og Chico ang gustong magpatabang human nasaag.
Nag-viral gilayon ang Facebook post sa maong police station dihang pasado alas-3:30 sa kaadlawon, miduol kanila ang iro nga si Chico nga duna’y suot nga collar apan wala na’y ID tag tungod kay posibleng natagak na kini.
Daling gitawag sa officer-in-charge ang animal control services ug gipa-scan ang microchip apan adiser pa gani mi-abot ang grupo, midagan na ang iro og nahanaw.
Nagtuo ang mga pulis nga hayan gusto lang sa iro nga mag-apply og K-9 position hangtud nga nasayran na sa mga pulis nga mibalik na si Chico sa iyang amo nga si Edward Alvarado.
Nasayrang nakita sa pag-umangkon ni Alvarado ang post sa kapulisan rason nga giteksan gilayon niya kini rasong nawala og kalit si Chico sa maong police station kay gisundo na diay nila kini.
