BUTUAN CITY – Usa ka lalaki sa lungsod sa Valencia, Bukidnon ang nakakuha og daghang atensyon human niya gi-host ang usa ka birthday party alang sa iyang iro nga si “Bruno” nga sama ka sosyal sa birthday party sa tawo.
Ang highlight sa selebrasyon? Usa ka lechon manok nga gihalad para lang sa iro.
Sumala sa tag-iya nga si Rudy, ang iro nga si Bruno iyang gi-isip nga anak kinsa pito ka tuig karon, rason nga angayan lang matud pa nga hatagan og espesyal nga selebrasyon uban sa cake nga paborito ni Bruno – peanut butter ug dog treats.
Gibanatan sa mga silingan ang libre nga pagkaon, apan wala gyud sila kasabot kung ngano nga ang iro pa gyud ang duna’y lechon manok. Ang uban nakatawa, asamtang ng uban nabalaka nga basin sobra na daw ang pagkagusto ni Rudy sa iyang iro.
Sa sunod tuig, plano ni Rudy nga himuon nang mas dako ang party ug basin magpa-live band pa siya tungod kay ang importante, malipay si Bruno.
