BUTUAN CITY – Ang Great Dane nga klase sa iro nga gipanag-iyahan sa usa ka pamilya sa Iowa maoy gi-ila karon sa Guinness World Records isip pinakataas nga buhing iro sa tibuok kalibutan tungod sa iyang height nga mi-abot na sa 3 feet ug 2 inches.
Ang iro nga ginganlan og Kevin, opisyal nga gisukod gikan sa iyang tiil ngadto na sa iyang ulo.
Sigon sa record-keeping organization, ang maong iro mao ang unang holder sa nasangpit nga titulo sukad sa unang record-holder, nga usa usab ka Great Dane nga ginganlan og Zeus, kansa namatay ning mi-aging tuig.
Si Zeus duna’y gitas-ong 3 ka tiil ug 5.18-pulgadas.
Apan taliwa sa kadako ug kataas ni Kevin, mahadlok siya sa vacuum rason nga kung maghinlo na ang iyang mga amo, mugawas siya sa balay ug bisan na lang sa bayho sa vaccum, kinahanglang anaa matud pa kini sa gilay-ong unom ka tiil gikan kaniya aron dili siya magkabad-kabad og dagan palayo niini.
