BUTUAN CITY – Gipatawag sa Iran ang tanang ambassadors sa European Union isip protesta batok sa paglista sa EU sa paramilitary Revolutionary Guard isip usa ka terror group.
Nahimo kini samtang ang Turkey naningkamot sa pag-organisa og usa ka miting tali jang U.S. special envoy Steve Witkoff ug mga opisyal sa Iran, aron sugdan pag-usab ang mga panaghisgot nga nagtumong sa pagpaubos sa hulga sa posibleng aksyong militar sa Estados Unidos batok sa Iran.
Gibalhin sa militar sa Amerika ang USS Abraham Lincoln ug daghang guided-missile destroyers ngadto sa Middle East. Wala pa’y klaro kung mohukom ba si President Donald Trump nga gamiton ang pwersa, bisan pa man nga ang mga nasod sa rehiyon aktibong nagpadayon sa diplomasya aron malikayan ang pagsikad sa usa ka bag-ong gubat sa Middle East.
