BUTUAN CITY – Mi-abot na sa kapin 5-mil ka mga tawo ang patay sa Iran subay sa padayong protesta nga gihimo sa mga tawo batuk sa kadumalahan ni Iranian supreme leader Ayatollah Ali-Khamenei kondiin apiL na niini ang kapin sa 500 ka mga membro sa ilang security forces.
Sigon sa usa ka Iranian official, responsable matud pa niini ang mga terorista ug armadong grupo.
Sigon usab sa human rights group nga nakabase sa Estados Unidos, mi-abot na sa 3,308 ang kumpirmadong namatay samtang kapin usab sa 4-mil ka mga kaso ang padayon pang gisusi samtang kapin sa 24-mil ang naaresto.
Daghang mga residente ug videos sa social media ang nagpakita sa brutal nga pagpahunong sa mga pwersa sa estado sa mga demonstrasyon lakip na niini ang direktang pagpusil sa mga demonstrador nga kadaghanan mga batan-on.
Madumdumang mi-ulbo ang mga lihok-protesta sa Iran niadtong Disyembre 28 ning mi-aging tuig tungod sa krisis sa ekonomiya hangtud nga mikaylap na kini ug gipanawagan ang pagpahawa sa pwesto sa kasamtangang rehimen.
