BUTUAN CITY- Naigo sa serye nga airstrikes ang Kharg Island sa Persian Gulf, pila ka oras advisor ang gitakda nga deadline ni U.S. President Donald Trump alang sa Iran nga abrihan pag-usab ang Strait of Hormuz.
Sumala sa taho sa Iranian media, kusog nga pagbusikad ang nadungog sa isla kansa nag-unang terminal sa lana sa nasud, kung asa mo-agi ang halos tanang oil exports sa Iran.
Gihulagway niini ang mga pag-atake isip coordinated strikes gikan sa gitawag nilang “American-Zionist enemy.” Baga nga abo ang makita gikan sa isla, diin dugay nang gi-ila isip “crown jewel” sa oil infrastructure sa Iran.
Dungan niini, gitaho sa Israeli military nga nakumpleto nila ang halapad nga operasyon batok sa nagkanda-iyang “infrastructure sites” sa Iran. Lakip sa mga na-igo ang usa ka tulay du-ol sa Qom ug usa ka railway bridge sa Kashan, kung asa duha ang namatay ug tulo ang angol.
Kahinumduman niadtong Marso, gibutyag ni Trump nga “totally obliterated” na sa U.S. forces ang mga military targets sa Kharg Island, napan gipili niini nga dili usa gub-on ang oil facilities.
Ang bag-ong pag-atake nakita nga dakong escalation nga posibleng makapahimo og kabalaka sa pangkalibotanong suplay sa lana ug magpagrabe sa kasamtangang krisis sa Middle East.
