BUTUAN CITY- Minghulga si Iranian Foreign Minister Abbas Araghchi nga andam ang Tehran nga “manimalos” batok sa Estados Unidos kung ugaling mo-atake, human sa brutal nga pagpangdakop sa mga protesta nga miresulta sa liboan ka mga patay.
Minggawas ang pamahayag human gikansela sa World Economic Forum ang imbitasyon ni Araghchi tungod sa pagpatay sa mga demonstrador.
Subay niini, minglihok na padulong Indian Ocean ang aircraft carrier USS Abraham Lincoln ug mga American destroyers, nga posibleng mopadulong sa Middle East.
Ming-abot na sa 4,519 ang namatay ug kapin 26,300 ang nasikop sukad nagsugod ang protesta, pinakataas nga ihap sa Iran sulod sa mga katuigan.
Gi-angkon ni Supreme Leader Ayatollah Ali Khamenei nga “several thousand” ang napatay ug gibasol niini ang U.S. Mipasidaan usab ni Araghchi nga ang posibleng all-out confrontation “mokuyanap sa rehiyon” ug molungtad og mas grabe kumpara sa gilaoman sa Israel ug Washington
