BUTUAN CITY – Nanganti ang Islamic Revolutionary Guard Corps sa Iran nga baslan nila ang mga mi-atake sa ilang energy facilities dayong butyag nga wala’y nakab-ot ang United States ug Israel sa maong pag-atake, tungod kay kadaghanan sa mga namatay mga sibilyan lamang.
Gitawag usab nila nga kabuang ang lakang sa United States ug Israel.
Apan wala usab matarog ang Israel ug mipadayag nga magpadayon sa dugay nga panahon ang ilang pag-atake batok sa Iran samtang gitaho sa Iranian Red Crescent Society nga 65 ka mga eskwelahan ug 32 ka medical facilities ang na-igo sa mga pag-atake kansa parte lang sa kapin 10,000 ka civilian sites nga nadamay tungod sa walay hunong nga pag-atake sa United States ug Israel.
Apan gilimod sa United States Central Command nga gi-target nila ang mga sibilyan sa Iran. Gikumpirma usab sa Iran nga mokabat sa 104 ka tawo ang namatay sa pag-atake sa submarine sa United States sa ilang barkong pandigma.
