BUTUAN CITY- Nagpabuto ang Iran og sunod-sunod nga mga missile padulong sa Israel, sumala sa militar sa Israel, samtang nagpadayon ang tensyon sa Middle East.
Nag-trigger og air raid sirens sa pipila ka parte sa Israel, lakip ang Tel Aviv, kung asa nakadungog og mga pagbuto gikan sa mga na-intercept.
Adunay mga balay usab sa amihanang Israel nga nadaot tungo sa mga nangatagak nga debris, apan walay nataho nga namatay. Taliwala sa eskalasyon, sigon ni US President Donald Trump nga adunay “productive talks” sa Iran ug nalangay ang plano matud pa nga pag-atake sa energy grid sa nasud. Apan gilimod kini sa supreme leader sa Iran ug gitawag nga “fake news” ug psychological operation.
Sumala sa Iran, walay natigayong negosasyon tali niini ug sa US, ug gi-insistar sa Revolutionary Guards nga magpadayon ang ilang operasyon lbatok sa mga target sa Amerika.
Samtang, nagusab-usab ang reaksyon sa global markets, mingsaka ang presyo sa lana samtang mingkunhod ang pagpagsalig sa merkado tungod sa magkasumpaki nga pamahayag gikan sa Washington ug Tehran.
