BUTUAN CITY – Gikalipay sa Sangguniang Kabataan kon SK Butuan City Federation nga apil ang dakbayan sa Butuan sa unom ka mga local government units sa tibuok nasud nga venue alang sa 2019 International Youth Day.
Sigon ni SK Butuan City Federation President Engr. Wen Kok Chiang II, tema sa usa ka adlaw nga kalihukan ang ‘Transforming Education’ kondiin gihatagan og importansya sa National Youth Commission ang pagpakusog pa sa edukasyon.
Gawas sa paghisgot sa edukasyon, anaa usab ang workshop, seminar og training apil sa gitudlo ang mga inisyatibo og kalambuan karon sa natad sa innovation nga gihanyag sama sa Alternative Learning System kon ALS, mga programa sa Technical Education, Skills and Development Authority kon TESDA.
Apil sa gihisgutan ang pakighi-usa sa kabatan-unan sa Pilipinas ngadto sa mga nasud nga sakop sa Association of Southeast Asia kon ASEAN.
