BUTUAN CITY – Dili dapat gamiton ni Senador Ronald ‘Bato’ dela Rosa ang inter-parliamentary courtesy arun likayan ang pagdungog sa kamara mahitungod sa extra judicial killing nga nahitabo atul sa implementasyon sa ‘Oplan Tokhang’ sa administrasyong Duterte.
Sumala ni Congresswoman France Castro, gikinahanglan ang presensya ni Senador Bato sa maong pagdungog tungod kay siya man ang hepe sa Philippine National Police atol sa implementasyon sa dugoong war on drugs, ug kinahanglang dili kini balewalaon sa senador.
Daghan matud pang probisyon sa Oplan Tokhang nga wala masabti sa mga magbabalaod kondiin bugtong ang senador lamang ang makahatag niini og katin-awan, ilabina nga ning-abot sa kapin 6,000 ka mga biktima ang war on drugs base na sa listahan sa Philippine National Police.
