BUTUAN CITY – Padayong giduso sa mga kasundalohan ang duha ka klase sa pakigbatok sa insurhinsiya sa rehiyon sa Caraga, kini pinaagi sa Combat Operation ingon man sa Civil Military Operations.
Sumala pa ni LTC. Cresensio Gargar, commanding officer sa 29th IB Philippine Army nga ang Combat Operation, nakapokus sa pakigbatok sa armadong grupo, apan ang Civil Military Operation kon CMO, nakatutok matud pa sa pakigestorya ngadto na sa mga pamilya o kaparentihan sa mga myembro sa New People’s Army ug pag kombinsi kanila nga kombinsihon usab niini ang ilahang kaparentihan nga mo balik na sa sabakan sa gobyerno.
Gikataho usab sa maong opisyal nga duna pa silay namataan nga mga rebeldeng grupo nga nagalihok sa mga inter barangays sa dakbayan sa Butuan ug sa Municipalidad sa RTR, diin sa Butuan, duna matud pay ilahang namataan sa mga Baranggay sama sa Anticala, Baranggay Pianing, Baranggay Bugsucan, ingon mna sa Baranggay De Oro ug Barangay Taligaman.
Dunay usay ginapatuman ang kasundalohan nga amnesty program, kansa usa ka executive order sa Presidente nga mo hatag og amnestiya sa mga kanhing rebelde nga tumong ang malingkawas na ang maong mga katawhan gikan sa ilahang mga pending cases nga mao usay rason nganong dili sila makabaton ug bag-ong kinabuhi.
Alayon niini, giawhag usab sa maong opisyal ang mga katahan sa rehiyon nga isumbong kanila kung duna silay makita pa nga mga rebelde sa ilahang lugar
