BUTUAN CITY – Nakuhaan na og finger prints ang tanang mga empleyado sa LBC Express Inc., Libertad branch ning siyudad sa Butuan human gitu-uhan sa kapulisan nga posibleng inside job ang paglungkab sa maong establisamiento.
Sa pakighinabi ning sibyahan kang PO2 Bernard Amora, gibutyag niining mukabat sa 20-mil pesos nga salaping cash ang nakuha sa wala pa mailang suspek gikan sa gilungkab nga vault kondiin mi-agi ang mga suspek sa giguba nga roll-up doors.
Nasayrang kini na ang ikaduhang higayon nga gisulod ang maong establisamiento nga posibleng sayon ra tungod sa kawala niini gwardiya.
Nakig-alayon na usab ang kapulisan sa kasikbit nga mga establisamiento aron makakuha og footages gikan sa ilang CCTVs human nasayran nga wala mag-function ang CCTV sa LBC. (Beth Ruiz)
