BUTUAN CITY – Naghimo og Information Dissemination ang City Transportation and Traffic Management Department (CTTMD) uban ang Traffic Enforcement Unit ug police personnel sa Station 3 sa BCPO ug ang City Environment and Natural Resources Department ning kadlawon ngadto sa mga tawo nga naka stand-by sa Capitol-Bonbon Road.
Ang maong information dissemination, usa sa pamaagi sa mga ahensya sa Local nga pangamhanan sa dakbayan sa Butuan nga mapalig-on pa ang implimentasyon sa City Ordinance 7026-2023, Section 63 kon Act which prohibits parking during certain hours.
Unod sa maong balaod nga ginadili ang pagpark sa bisan unsang sa sakyanan sa City streets, ug sa national highways sa dakbayan sa Butuan gikan alas 12:00 ang takna sa kadlawon hangtod alas 5:00 sa buntag.
Lakip sa mga gipahibalo sa nahisgutang mga ahensya ang bawal nga paglabay sa mga basura bisan asa ilalom sa palisiya nga Anti-Littering sa Butuan.
Ang maong aksyon sa lokal ng apangamhanan nunot sa pag-viral sa nasangpit nga kadalanan tungod sa kadaghan na usab sa mga tawo, kasagaran mga batan-on, ang magpahangin sa maong dapit matag gabie agi sa kahapsay ug kahamugaway niini, inubanan usab sa hayag nga mga street lights.
(Photos from: Butuan CTTMD )
